Чернобыль һаман хәтердә

Әлеге аварияне бетерүдә районыбыздан 62 кеше катнашкан, шуларның яртысы безнең белән юк инде. Техноген һәлакәт ликвидаторлары хөрмәтенә Мамадышта махсус һәйкәл салынды, аның янындагы тауга 62 алмагач утыртылды. Без чернобыльчеләр алдында баш иябез, аларга батырлыклары өчен рәхмәт белдерәбез. Чарада катнашкан район башлыгы Анатолий Иванов һәм Чернобыльчеләр союзының район оешмасы җитәкчесе Рамил Миңнеханов үз чыгышларында шул хакта сөйләделәр, фидакарьләрне Рәхмәт хатлары һәм истәлекле билгеләр белән бүләкләделәр. Тантанада катнашучылар, ахырдан, бергәләшеп, һәйкәлгә веноклар салдылар.