Татарстанда соңгы кыңгырау 26 майда яңгыраячак
Быел Россия мәктәпләрендә соңгы кыңгырау бәйрәме 26 майга билгеләнгән. Бу хакта Мәгариф министрлыгының матбугат хезмәте хәбәр итте.
Тиешле тәкъдимнәрне РФ Мәгариф министрлыгы илнең барлык төбәкләренә җибәргән. Чыгарылыш имтиханнары мәктәпләрдә 1 июньнән иртә башланмаячак. Соңгы кыңгыраулар программасына РФ Дәүләт флагын күтәрү һәм гимнын башкару тантанасы, шулай ук күп балалы гаиләләрне хөрмәтләү, махсус хәрби операциядә катнашучыларның һәм дәүләт бүләкләренә ия булган ата-аналарның чыгышларын кертергә тәкъдим ителә.
Регионнарга тантаналы чараларны оештырганда куркынычсызлык чараларын тәэмин итү һәм мөмкинлекләре чикләнгән балалар өчен уңайлы шартлар булдыру йөкләмәсе бирелде.
Следите за самым важным и интересным в Telegram-каналеТатмедиа
Нет комментариев