Россиянең Европа өлешендә иң озын «әбиләр чуагы» көтелә

 Бу хакта «Фобос» һава торышы үзәгенең әйдәп баручы белгече Евгений Тишковец  хәбәр итте. Температура нормадан берничә градуска югары булып, явым-төшемсез көннәр ун көнгә кадәр дәвам итәргә мөмкин — бу гадәти күрсәткечтән ике тапкырга озаграк.

Тишковец аңлатуынча, әгәр бу сценарий тормышка ашса, «коммуналь көз»нең башлануы — уртача тәүлеклек температура +8 градустан түбән төшү — киләсе ай уртасына күчәчәк.

Синоптиклар фаразлары буенча, октябрьдә Россиянең Европа территориясенең күпчелек өлешендә һава температурасы климат нормасыннан кимендә 2–3 градуска югары булачак. Явым-төшемнәр күләме дә нормадан 30–40 процентка азрак булыр дип көтелә.