Яңа елга әзерлек башланды

Районның баш архитекторы Рамил Миннеханов белән шәһәр башлыгы урынбасары Айнур Әгъләмов хезмәт коллективлары вәкилләрен Совет урамына җыеп кайсы оешма һәм учреждение нинди фигуралар ясаячагын аңлаттылар. Совет урамының Кызылармиячеләр һәм Гагарин урамнары арасындагы өлеше районыбызда дус һәм тату яшәүче татар, рус, керәшен, мари, удмурт, әрмән, үзбәк, казах, кыргыз милләтләренә багышланачак. Урамның төрле өлешләрендә әкиятләр, мультфильмнар каһарманнарына да зур урын бирелә. Үзәк мәйданда һәм район эчке эшләр бүлеге янында боздан керү капкалары ясалачак.