Афанасьевка – чәчәкләр!

Мамадыш хокук сагында торучылары аны бик үзенчәлекле билгеләп үтте. Нәкъ шушы бәйрәм көнне районыбызга  эш визиты белән Казан хәрби гарнизоны хәрби прокуроры Сергей Баженов килде. Ул район җитәкчелеге вәкилләре, туган як тарихын өйрәнү музее хезмәткәрләре, кадетлар  белән бергә элеккеге хәрби прокурор, СССР Генераль прокуроры урынбасары Николай Афанасьев бюстына чәчәкләр салды. Шәһәребезнең Хәтер аллеясында  узган җәйдә горур калыккан якташыбыз һәйкәле, чыннан да, Хәрби прокуратура тарихында мөһим урын алып, батырлык, гаделлек һәм офицерлык намусы үрнәге булып тора шул.