Беренче сыйныфсыз калучылар бар
Тиздән яңа уку елы башланачак. Агымдагы уку елында районыбызда 434 бала тәүге мәртәбә мәктәп бусагасын атлап керәчәкләр.
Кызганычка каршы, кайбер авыллардагы белем бирү учреждениеләре алдагы уку елында беренче сыйныфсыз калачак. Болар – Зур Шыя, Югары Ушма, Владимир, Кече Сон, Кече Кирмән, Пятилетка һәм Никифорово мәктәпләре. Шул ук вакытта Пристань-Берсут, Шәмәк, Көмеш Күл, Югары Сон, Урта Кирмән һәм Дүсмәт авылларындагы белем бирү учреждениеләре берәр баланы беренче сыйныфка кабул итәчәк. Бусагаларын күбрәк бала атлап керәчәк мәктәпләргә килгәндә, алар Түбән Ушма (13 бала), Җәнлек совхозы (12), Олыяз лицее (10), Тәкәнеш (9), һәм Түбән Сон (8) мәктәпләре.
Следите за самым важным и интересным в Telegram-каналеТатмедиа
Нет комментариев