Татарстаннан ике пар Мәскәүдәге туй фестивалендә республиканы тәкъдим итәчәк

Бүген ТР Министрлар Кабинетының ЗАГС идарәсе башлыгы Эльвира Әхмәтова хәбәр итүенчә, чарада бөтен илдән йөз пар никахын берьюлы теркәячәк. Татарстаннан катнашучылар:

Инсаф белән Гүзәл — Чаллыда яшиләр, икесе дә җирле драма театры актерлары. Театр училищесында танышканнар, бергә белем алганнар.

Тимур белән Диана — Тимур Якутиядән, Диана Казаннан. Алты ел элек Казан авиация заводында танышканнар.

Ике пар да туй киемнәрендә тантанада катнашачак.