Бүген, 14 августта, Татарстанда салкынча, болытлы һәм яңгырлы һава торышы көтелә. Бу хакта ТР Гидрометеорология үзәге хәбәр итә.
⛅ Нинди һава торышы көтелә?
Республикада болытлы була. Төнлә кайбер районнарда башланган яңгырлар көндез бөтен төбәккә таралачак. Көнбатыш һәм көньяк-көнбатыштан секундына 6-10 метр тизлектә исүче җил көндез кайбер районнарда (шул исәптән Казанда) секундына 15-17 метрга кадәр көчәячәк.
🌡️ Температура
Салкынча төннән соң (+6 градуска кадәр) көндез Татарстанда һава +12…+17 градуска кадәр генә җылыначак. ТР башкаласында һава температурасы бары тик +12…+14 градус кына булачак.
📅 Иртәгә, 15 августка һава торышы
Синоптиклар фаразлавынча, иртәгә дә салкынча һава сакланачак, яңгырлар мөмкин. Температура +13…+18 градус тирәсендә көтелә.
Нет комментариев