Росстат: 200 мең сумнан артык хезмәт хакы биш тармакта

Финанс һәм иминият өлкәсе лидер булып тора. Монда уртача хезмәт хакы 314 мең сум тәшкил итә. Бу Россия буенча уртача күрсәткечтән (112 654 сум) өч тапкырга диярлек югары.

200 мең сумнан артык түбәндәге тармакларда да теркәлгән:

• Нефть һәм газ чыгару – 226 мең сум

• Мәгълүмат һәм элемтә – 226 мең сум

• Һава һәм космик транспорт – 223 мең сум

• Тәмәке эшләнмәләре җитештерү – 218 мең сум

Татарстанда март аенда уртача хезмәт хакы 99 123 сум булган. Бу февральдәге 90 787 сумнан 8,5% ка артык.

Россия буенча уртача хезмәт хакы мартта 112 654 сумга җиткән.