Россияда транспортка билетларны биометрия буенча сатып алырга мөмкин булачак

Бу хакта РИА Новостига Транспорт министрлыгы каршындагы Иҗтимагый совет әгъзасы Кира Доросева хәбәр итте.

Яңалык ташучыларның техник инфраструктурасы булган очракта гына эшләячәк. Биометрия пассажирларны идентификацияләүнең өстәмә ысулы була, ә мәҗбүри шарт түгел.

Эксперт сүзләренчә, технология юл йөрү документларын рәсмиләштерүне һәм тикшерүне тизләтергә мөмкин. Шул ук вакытта пассажирларның шәхси мәгълүматларын яклау чаралары да каралган.