Россиядә озак никахлар өчен түләү тәкъдим ителде

Дәүләт Думасы депутаты Татьяна Буцкая 50 ел һәм аннан да күбрәк рәсми никахта яшәгән парларга федераль түләү кертү тәкъдиме белән чыкты.

Түләү күләме – кимендә 20 мең сум булырга тиеш. Тәкъдимдә шулай ук түләүне индексацияләү яки юбилей даталарына арттыру мөмкинлеге дә карала.

Кайбер төбәкләрдә мондый ярдәм чаралары инде гамәлдә икәнен депутат билгеләп үтте.