Язгы-җәйге чорда балаларның тәрәзәдән егылып төшү очраклары арта. Белгечләр кисәтә: моның өчен җаваплылык тулысынча әти-әниләргә йөкләнә.
Быел әле җәй җитмичә үк биеклектән егылып төшкән дүрт бала Республика балалар хастаханәсенә эләккән. Кагыйдә буларак, куркыныч хәлләргә 2-5 яшьтәге балалар дучар була.
Татарстан прокуратурасы вәкиле Александр Цеханович белдерүенчә, балалар еш кына москит ятьмәсенә таянып төшеп китә. Аның сүзләренчә, москит ятьмәсе — «ялган терәк», ул бала авырлыгын күтәрми.
ДРКБ табибы Руслан Хәсәновта ата-ана контроле мөһимлеген ассызыклады.
Ата-аналар өчен кагыйдәләр:
-
Баланы бер минутка да күздән ычкындырмагыз
-
Москит ятьмәсенә таянырга ярамавын аңлатыгыз
-
Тәрәзә янына урындык, табуретка куймагыз
-
Тәрәзәләргә блокираторлар урнаштырыгыз
Нет комментариев