Мошенниклар Татарстан халкын 1 миллиард 211 миллион сумнан мәхрүм иткән

Эчке эшләр министрлыгының мәгълүмати-коммуникацион технологияләрдән законсыз файдалануга каршы көрәшне оештыру идарәсенең аеруча мөһим эшләр буенча оперуполномоченные Рәдис Йосыпов «Татар-информ» агентлыгында узган матбугат конференциясендә шул хакта мәгълүмат бирде.

— Ел башыннан бирле Татарстанда 3 437 мошенниклык очрагы теркәлгән. Мошенниклар барлыгы 1 миллиард 211 миллион 729 мең сум акча урлаган, — диде Рәдис Йосыпов.

Ул бу сумма узган ел белән чагыштырганда 53 миллион сумга кимрәк икәнен дә искәртте. Ләкин саннар шактый зур булып кала.