Махсус операция ветераннары өчен «Абилимпикс» һөнәри осталык чемпионаты башланды

Россия мәгариф министры урынбасары Владимир Желонкин «Татар-информ»га сөйләгәнчә, быел чемпионат икенче ел рәттән Президент кушуы буенча уза.

«Узган ел белән чагыштырганда, катнашучылар саны ике тапкырдан күбрәккә артты. Компетенцияләр саны да күбәйде, хәзер чемпионатта 21 ярыш һәм 7 күрсәтмә компетенция», — дип билгеләде ул.

Владимир Желонкин ветераннарның яңа һөнәрләр үзләштерүе һәм күрсәткән осталыклары белән горурлануын белдерде.

«Бу, бер яктан, безнең егетләр өчен социаль адаптация булса, икенче яктан – өстәмә белем алу мөмкинлеге. Чара, һичшиксез, алга таба үсәчәк. Бу – бик файдалы һәм кирәкле ярыш», — дип йомгаклады ул сүзен.