«Алтын каләм» фестиваленә гариза бирү кампаниясе 12 июньгә кадәр озайтылды

Фестиваль республикада 1995 елдан бирле үткәрелә. Ул яшьләрне журналистика нигезләре белән таныштыру, аларның медиаграмоталылыгын арттыру һәм иҗади үсеше өчен мөһим мәйданчык булып тора. Быел «Алтын каләм» үзенең 30 еллык юбилеен билгеләп үтә.

Фестивальдә 14 яшьтән 24 яшькә кадәрге яшьләр катнаша ала:

• гомуми белем бирү мәктәпләре укучылары;

• өстәмә белем бирү учреждениеләре тәрбияләнүчеләре;

• һөнәри һәм югары белем бирү оешмалары студентлары.

Кызыклы факт: узган ел 130дан артык гариза бирелгән иде.

Фестивальне оештыручылар:

• ТР Яшьләр эшләре министрлыгы;

• «Россия яшьләр берлеге»нең Татарстан республика оешмасы;

• «Татмедиа» Республика матбугат һәм массакүләм коммуникацияләр агентлыгы;

• ТР Журналистлар берлеге;

• ТР югары һәм һөнәри белем бирү оешмалары.