2026 елда Татарстанда тагын өч «акыллы» спорт мәйданчыгы төзеләчәк
«Россия спорты» дәүләт программасының «Бизнес-спринт (Мин спортны сайлыйм)» федераль проекты кысаларында 2026 елда Татарстанда өч яңа «акыллы» спорт мәйданчыгы барлыкка киләчәк. Алар Казанда, Түбән Камада һәм Бөгелмәдә төзеләчәк. Бу хакта республика Спорт министрлыгы хәбәр итә.
Проект 2022 елда Казанда һәм Әлмәттә башланган. 2023 елда – Түбән Камада, 2025 елда – Яшел Үзәндә ачылган. Быел программа дәвам итә.
Мәйданчыклар ике типта:
Беренче тип – 32×19 метрлы универсаль мәйданчык (футбол, баскетбол, волейбол өчен). Воркаут зонасы, тренажерлар, 25 урынлы трибуна бар. Инвалидлар өчен дә җиһазлар каралган.
Икенче тип – 20×40 метрлы зур мәйданчык. Анда хоккей бортлары, баскетбол стойкалары, футбол капкалары, көч тренажерлары урнаштырыла.
Мәйданчыкларның төп үзенчәлеге – интерактивлык. Һәр тренажерда QR-код бар. Аны смартфон белән сканерлап, күнегүләрне ничек дөрес башкарырга икәнен видеоинструкциядә карарга мөмкин. Мәйданчыклар Wi-Fi белән тәэмин ителә. Җиһазларның бер өлеше сәламәтлек мөмкинлекләре чикле кешеләр өчен яраклаштырылган.
Следите за самым важным и интересным в Telegram-каналеТатмедиа
Нет комментариев