Татарстанлыларга ана капиталын пенсиягә ничек юнәлтергә икәнен аңлаттылар
Татарстан халкы ана капиталыннан бирелә торган акчаларны үзләренең киләчәк тупланма пенсияләрен формалаштыруга юнәлтә ала. Социаль фондның Татарстан буенча бүлекчәсе хәбәр иткәнчә, республикада мондый мөмкинлектән файдаланырга теләүчеләрдән гаризалар кабул итү дәвам итә.
Гаризаны «Дәүләт хезмәтләре» порталы аша, Социаль фонд сайтындагы шәхси кабинеттан, яисә фондның клиент офисларында һәм МФЦларда шәхсән тапшырырга мөмкин.
Ана капиталы алучылар үз акчаларын ничек куллану юнәлешен дә сайлый ала:
• тупланма пенсия – гомерлек түләү, җыелган сумма һәм инвестиция кереме исәпкә алына;
• билгеле сроклы пенсия түләве – кимендә 10 ел дәвамында;
• бер тапкыр бирелә торган түләү – әгәр җыелган сумма аз булса.
Тупланма пенсия билгеләү өчен ким дигәндә 15 ел иминият стажы һәм 30дан да ким булмаган шәхси пенсия коэффициенты (ИПК) кирәк. Моннан тыш, билгеләнәчәк түләү пенсионерның яшәү минимумы күләменең 10 процентыннан артык булырга тиеш; бу шарт үтәлмәсә, гражданинга бер тапкыр бирелә торган түләү билгеләнә.
Следите за самым важным и интересным в Telegram-каналеТатмедиа
Нет комментариев