Синоптикларның яз башына фаразлары нинди

Февраль аеның соңгы декадасы быел, яз айларын да уздырып, кояшлы җылы көннәре белән сөендерде. Тик табигатьтә яз башланды дип уйламагыз, синоптиклар хәбәр итүенчә, календарь яз башына республикага янә уртача салкыннар кайтачак.

1 мартта республиканың үзәк районнарында көндез 2 градуска якын салкын булачак, төнлә исә 11 градуска кадәр суыта. Киләсе биш көндә Казанда көндезге сәгатьтә термометр баганасы -2-5 градуска, ә төнлә -8-11 градуска кадәр күрсәтәчәк.

Мартның беренче атнасында талгын җил исәчәк, урыны белән көчәйгәндә секундына 3-4 метрга кадәр җитәчәк, явым-төшем көтелми.

7 марттан республикада язгы һава торышы башлана, температура көндез урамда нульгә якын булачак.