Мамадышта сират күпере бар

 Чыннан да, әлеге “сират күпере“  аша үтү өчен бик зур осталык һәм батырлык  кирәк: кадагыннан купкан, калҗайган такталарның башына ялгыш басып, маңгаеңа кундырмаска;   чергән араталарын җимермәскә; ярыкларга туфлине кыстырып калдырмаска; убыр тишекләреннән төшеп китеп, шарлавыкка мәтәлмәскә!.. Әле шуннан велосипед белән йөрергә җөрьәт итүчеләр дә бар!  Алары каскадерга тиң инде.  Хәвеф - хәтәрдән моңарчы Алла саклады, алга таба ышаныч кими бара. Басмага ашыгыч ремонт кирәк!