Мамадыш музеенда – “Хәтер стенасы“
Мамадыш туган якны өйрәнү музеенда, Җиңүнең 75 еллыгын бәйрәм итү кысаларында, “Хәтер стенасы“ булдырыла. Фотоларыгызны тизрәк җибәрегез!
Бу - Бөек Ватан сугышында катнашучыларның (фронтларда һәлак булган һәм кайткан) фотосурәтләреннән торган истәлекле мемориаль экспозиция. Фотолар теләсә кайсы форматта: хәрби һәм штат киемнәрендә, ялгыз һәм төркемнәрдә кабул ителә. Фоторәсемнәр сканерлана һәм кире кайта. Шулай ук Бөек Ватан сугышында катнашучылар турында документлар, хатлар, истәлекләр җыю бара. Без һәлак булганнарны бергәләп шулай искә алабыз. Тарихны алга таба да сакларбыз һәм яңадан торгызырбыз. Музейның адресы: Мамадыш ш., Совет ур., 12 Б. Телефон: 8 (85563) 3-35-14. Электрон почта: mamad-myzei@mail.ru
Следите за самым важным и интересным в Telegram-каналеТатмедиа
Нет комментариев