"Айбагыр чибәре" һәм "Айбагыр җегете" билгеле булды

"Айбагыр чибәре", "Айбагыр җегете" исемен алу өчен киң кырлы талант иясе булу сорала. Үз халкың турында белергә һәм иң мөһиме үз милләтеңне җаның-тәнең белән яратырга тиешсең. "Айбагыр"га балаларның нәкъ шундыйлары гына җыела да. Шуңа күрә, жюри членнарына әлеге бәйге көнне бик читен була. Шулай да, һәр уенның да, конкурсның да җиңүчесе булырга тиеш. Алай булмаса, кызыгы да бетәр иде бит. "Айбагыр җегете - 2018", "Айбагыр чибәре- 2018" титулларына быел талантлы керәшен җегете Казаннан Иван Пугачёв һәм Балык Бистәсеннән Эльза Гордеева лаек дип табылган. Иван белән Эльзаны котлыйбыз! Аларга зурдан-зур уңышлар, яңа үрләрне яулауларын телибез. Ә инде Эльзаны киләчәктә "Керәшен чибяре" конкурсының олы сәхнәсендә көтеп калабыз.

Иван Пугачёв

Эльза Гордеева