Сорауга район үзәк хастанәсенең табиб эпидемиологы  Айрат Галиев җавап бирә.

• “Спутник Лайт“ вакцинасы яңа коронавирус инфекциясе белән авырып терелгән затларга алты ай узгач ясала. Яисә яңа коронавирус инфекциясенә антитәнчекләре  булганнарга. Бер тапкыр эшләнә. Состав буенча бу вакцина гадәти “Спутник V“нең беренче компонентын тәшкил итә. Аның нәтиҗәлелеге түбәнрәк.

“Спутник Лайт“ вакцинасы районга чикләнгән күләмдә кайтартыла. Беренче чиратта, әлеге чир белән авырып терелүчеләргә һәм антитәнчекләре булганнарга ясала.