Без Тукайны укыйбыз...

Бу эштә бигрәк тә башлангыч сыйныф укучылары актив булды. Эшләр мәктәп эчендә генә калмады, мәктәп кысаларыннан чыгып илебезнең төрле почмакларына таралды. Чын-чынлап шулай! Өйрәнгән һөнәрләребезнең видеоязмаларын республика һәм региональ конкурсларга җибәреп мәктәбебез даны еракларга таралды. Мәсәлән: Самара өлкәсендә уздырылган “Габдулла Тукай һәм Муса Җәлил – мәңге яшәрләр безнең күңелдә”  конкурсында катнашып Гобунов Кирилл белән Гаврилова Эллиана 1 урынга, Яковлева Анна белән Сергеева Эльза 2 урынга, ә апалы – энеле Яковлева Алина һәм Арсений 3нче урынга лаек булдылар. Бу балалар “Габдулла Тукайның тууына 135 ел” дип исемләнгән шигырь конкурсында, ә Гобунов Кирилл - Роберт Миннуллин истәлегенә багышланган  фәнни- гамәли конференциядә чыгыш ясап республика күләмендә 3 нче урынны яулады. Тукайга багышланган башка конкурсларыбызны санап китсәк исемлек бик озынга китәр иде.
Безнең укучылар монда да актив. “Яз ритмы” конкурсында катнашып Вятская Лианабыз 1 дәрәҗәле дипломга лаек булса, Керәшен фестивалендә уңышлы чыгыш ясап тамашачыларның мәхәббәтен яулады. 
Шулай ук Район башкарма комитеты җитәкчесе Иванов А.П. тарафыннан оештырылган “Мирас – Наследие” конкурсының “Халык уеннары” номинациясендә  катнашып башлангыч сыйныф укучылары, үзләренең укытучылары Шәрифуллина С.М., Мөфахәрова Л.В. һәм педагог- оештыручы Вятская Е.А. җитәкчелегендә 1нче урынны, ә Гаврилова Э. “Илһамият” номинациясендә 2 урынны яуладылар. Укучыларның шушындый призлы урыннарга ия булуларында бу укытучыларның укыту- тәрбия эшләренә җаваплы караганнары, эшне системалы рәвештә оештырып, күп көч куйганнары күренә. 
Бу укучыларга зур дәрәҗәләргә ирешергә ярдәм иткән укытучыларга алга таба иҗади уңышлар телик.
Шарифуллина С.М.
башлангыч сыйныф укытучысы