Тәртип тә урнаша, халык та арта

Рагозинода тиздән кеше калмый, дигәннәр иде, киресенчә, арта башлаячак икән.

Авылда полициянең участок уполномоченные өчен йорт җиткерелә. Хокук тәртибе сакчысы анда гаиләсе белән яши башлаячак. Әлеге йортның стеналары күтәреп, түбә астына кертелде инде. Участковыйлар өчен шундый ук йортлар быел Катмыш, Җөри, Соколка, Тауиле авылларында һәм "Мамадыш" совхозы бистәсендә дә салына. "Мамадыш" совхозындагысын сала гына башладылар әле. Башкаларының барысында да эчке эшләре бара. Әлеге йортлар торак фонды хисабыннан җиткерелсәләр дә, әйләнә-тирәләрен төзекләндерү, территорияләрен әйләндереп алу җирле бюджет хисабыннан башкарыла.