Мамадышта Айрат Галиев истәлегенә хоккей уены үтәчәк

26-28нче август көннәрендә Мамадышта Айрат Галиев истәлегенә багышланган традицион хоккей турниры узачак. Айрат Галиев безнең команданың һөҗүм итүчесе иде. Уенарның берсендә җәрәхәтләр алу нәтиҗәсендә егет яшьли якты дөнья белән хушлашты.

Хуҗалардан тыш, агымдагы елда Мамадышның "Олимп" боз сарае Казан, Волгоград, Яр Чаллы, Бөгелмә, Биектау шәһәрләреннән килгән спортчыларны каршы алачак. Биредә 2005нче елгы егетләр арасында хоккей турниры үтә. Беренче уенны Мамадыш һәм Яр Чаллы егетләре башлап җибәрәчәк. Яраткан командалары өчен җанатарга теләүчеләр 26нчы август көнне 10:00 сәгатьтә боз сараена килә ала.

Әдел Әхмәтҗанов

Фото со страницы: 333v.ru