Мамадышның үзәгендә электр энергиясе бирү туктатылып тора

Бу атнаның якшәмбесе, 24нче гыйнвар көнендә шәһәр үзәгендә урнаштырылган электр энергиясе таратучы трансформаторны алыштырачаклар. Бу хакта "Алабуга электр челтәре" оешмасының Мамадыш филиалыннан (подстанция) хәбәр итәләр.

Ут бирү иртәнге 9 сәгатьтән 13 сәгатькә кадәр түбәндәге адреслар буенча туктатыла: "Кояшкай", "Миләшкәй" балалар бакчалары, үзәк мәчет, даруханәләр, Азин урамындагы барлык сәүдә нокталары, "Магнит" һәм аның янәшәсендәге кибетләр, Совет, Азин, Кызылармияче, Домолазов, Тукай урамнарының бер өлеше.

Исемлеккә шулай ук "Мамадыш су каналы" оешмасы, 1нче санлы мәктәп, район мәдәният йорты, "Диксис" салоны кергән.

Электрчылар тудырылган уңайсызлыклар өчен алдан ук гафу үтенә.