Түбән Кама перинаталь үзәге февральгә кадәр дезинфекциягә ябылды

Хастаханәнең матбугат хезмәте булачак әниләргә борчылмаска киңәш итә: "Бу — даими рәвештә үткәрелә торган чара. Аның төп максаты — бала тудыручылар һәм яңа туган сабыйлар өчен мөмкин кадәр иң югары куркынычсызлыкны тәэмин итү", — диелә хәбәрдә.

Дезинфекция эшләре барган чорда, перинаталь ярдәмгә мохтаҗлар Яр Чаллы шәһәрендәге Кама балалар медицина үзәгенә, шулай ук Әлмәт шәһәрендәге шундый ук учреждениеләргә мөрәҗәгать итә алачак.