Татарстанда шимбә көнне җылытачак

Якындагы көннәрдә Татарстанда яңгыр көтелә, урыны белән яшен дә булырга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

28 һәм 29 апрельдә яңгыр яварга мөмкин, ә чәршәмбе көндез яшенле яңгыр булырга мөмкин. Төнлә — 1 градуска кадәр салкынайтачак, көндез — 7-13 градус җылы.

Беренчел мәгълүматлар буенча, республикага җылы шимбәдән дә иртәрәк килмәячәк. Ул көнне һава температурасы +12…+17 градуска кадәр күтәреләчәк. Урыны белән бераз яңгыр яварга мөмкин.

 Тулырак: https://tatar-inform.tatar/news/ecology/26-04-2021/tatarstanda-shimb-k-nne-ylytachak-5821264