Татарстанда мәктәпләр һәм көллиятләрне капиталь ремонтлау барышына бәя бирелде
Татарстанда белем бирү һәм мәдәният объектларын яңарту буенча масштаблы эшләр башланды. Дәүләт Думасы депутаты Әлфия Когогина билгеләп үткәнчә, тулай торакларны ремонтлау студентлар өчен өстәмә мөмкинлекләр ачачак. Атап айткәндә, элек авария хәлендә булган мәйданнарны төзекләндерү исәбенә тулай торакларда урыннар саны 100гә артачак һәм барлыгы 460ка җитәчәк.
Мәгариф өлкәсендәге яңалыкларга килгәндә, республиканың сигез районында урнашкан тугыз мәктәптә капиталь ремонт эшләре старт алды.
Мәдәният тармагында да зур үзгәрешләр көтелә. Белгечләр барлыгы 38 объектны тәртипкә китерергә җыена. Бу исемлеккә түбәндәгеләр кертелгән:
• 22 авыл мәдәният йорты һәм 4 балалар сәнгать мәктәбе;
• 4 музей һәм 2 театр;
• 5 китапханә һәм бер ял итү үзәге.
Яшьләр сәясәте юнәлешендә 23 объектны капиталь ремонтлау планлаштырыла. Алар арасында: 8 балалар сәламәтләндерү лагере, 3 үсмерләр клубы, 7 яшьләр үзәге һәм психологик-педагогик ярдәм күрсәтүче 5 бина бар. Бу чаралар яшь буын өчен заманча һәм уңайлы шартлар тудыруга юнәлтелгән.
Следите за самым важным и интересным в Telegram-каналеТатмедиа
Нет комментариев