Татарстанда 30 яшьлек ир-ат эш урынында һәлак булган
Татарстанның Югары Ослан районында урнашкан предприятиеләрнең берсендә кеше үлеме белән тәмамланган фаҗига теркәлгән.
Ашлык эшкәртү җайланмасында эшләгәндә 30 яшьлек эшче техник корылмага кысылып калган. Республика прокуратурасы биргән мәгълүматларга караганда, күңелсез хәл бүген төнлә, төнге сәгать берләр тирәсендә килеп чыккан.
Алган авыр җәрәхәтләр тормыш белән сыешлы булмый — ир-ат вакыйга урынында ук җан биргән. Хәзерге вакытта хокук саклау органнары эш бирүче тарафыннан хезмәт куркынычсызлыгы кагыйдәләренең никадәр дөрес саклануын тикшерә.
Әлеге хезмәтне саклау кануннарының үтәлешен тикшерү процессы район прокуратурасының махсус контроленә алынды. Фаҗиганең барлык нечкәлекләре ачыклана.
Следите за самым важным и интересным в Telegram-каналеТатмедиа
Нет комментариев