Татарстан халкының онлайн-сатып алуларына 237 миллиард сум сарыф ителгән

Сатып алулар структурасында азык-төлек һәм әзер ризыкка заказ бирү алдынгы урында тора — бу юнәлешкә 48,8 миллиард сум юнәлтелгән. Шулай ук кием-салым һәм аяк киеме (28 млрд сум), автомобиль запас частьлары (19 млрд сум) иң күп сатыла торган товарлар исемлегенә кергән.

Иң ихтыяҗлы тагын берничә категорияне билгеләп үтәргә була:
•  Цифрлы товарлар — гомуми онлайн-сәүдә күләменең 4,8 процентын тәшкил итә;
•  Матурлык һәм сәламәтлек өчен кирәк-яраклар — 4,6 процент;
•  Балалар товарлары — 3,2 процент;
•  Спорт әйберләре — 2,7 процент.

Бу мәгълүматлар республикада электрон сәүдә тармагының тиз үсешен һәм кулланучыларның сатып алу гадәтләре заманча технологияләргә җайлашуын раслый.