Татарстан студентларына социаль стипендия турында сөйләделәр
Студентлар өчен каралган дәүләт ярдәменең иң мөһим юнәлешләренең берсе — социаль стипендия булып тора. «Татар-информ» агентлыгы Татарстан Республикасында әлеге төр түләүләргә кемнәр дәгъва кыла алуы турында тәфсилләп бәян итте.
Бу төр матди ярдәмне рәсмиләштерү өчен, белем алучыга үзенең уку йортындагы тиешле бүлеккә мөрәҗәгать итәргә кирәк. Бу деканат, профсоюз комитеты яисә социаль эшчәнлек бүлеге булырга мөмкин. Гариза тапшырганда, студентның ташламага хокукын раслаучы документлар җыелмасын күрсәтүе шарт. Тиешле кәгазьләр исемлегенә төрле белешмәләр, таныклыклар, хәрби билет һәм башка хокукый документлар керергә мөмкин.
Әлеге стипендия студентларга матди ярдәм рәвешендә билгеләнә һәм аларның социаль иминлеген тәэмин итүгә юнәлтелгән.
Следите за самым важным и интересным в Telegram-каналеТатмедиа
Нет комментариев