Аналитик үзәге үткәргән тикшеренү нәтиҗәләре буенча, Татарстан Россия төбәкләре арасында шәхси йорт хуҗалыкларын газлаштыру дәрәҗәсе 89,9% тәшкил итә. Бу күрсәткеч белән республика ил буенча өченче урынга лаек булды.

Мониторинг мәгълүматлары күрсәткәнчә, гомумән ил күләмендә шәхси торак йортларны газлаштыру (71%) күпфатирлы йортларныкыннан (63,4%) югарырак.

Әлеге рейтингта шәхси секторны газлаштыру буенча лидерлыкны 96% күрсәткече белән Ставрополь крае алды. Икенче урында 90,2% белән Ростов өлкәсе урнашкан. Өченче позицияне Татарстан били.

Программа кысаларында катнашучыларга газ җиһазлары сатып алу һәм торак биналарны газ инфраструктурасына тоташтыру буенча монтаж эшләре башкару өчен финанс ярдәме күрсәтелә. Бу ярдәм шәхси хуҗалыкларның газ белән тәэмин ителешен арттыруга һәм халыкның яшәү шартларын яхшыртуга юнәлдерелгән.