Татарстан Мәгариф һәм фән министрлыгында яңа урынбасар билгеләнде

Татарстан Республикасы Министрлар Кабинеты рәисе Алексей Песошин кул куйган боерык нигезендә, Рәмис Мөҗипов Татарстан Мәгариф һәм фән министрының беренче урынбасары итеп билгеләнде.

Рәмис Мөҗипов әлеге җаваплы вазыйфада озак еллар хезмәт куйган Андрей Поминовны алыштырды. Игътибар ителгәнчә, Поминов 18 елга якын вакыт дәвамында министрның беренче урынбасары булып эшләгән. Узган 20 октябрьдә Казан федераль университеты ректоры Ленар Сафин Андрей Поминовны югары уку йортының Физика институты директоры вазыйфаларын башкаручы сыйфатында коллективка тәкъдим итте. Яңа билгеләнгән урынбасар моңа кадәр Татарстан Республикасы Мәгариф һәм фән министрлыгының Мәгариф өлкәсендә күзәтчелек һәм контроль департаменты җитәкчесенең урынбасары вазыйфасын башкара иде.