Россиядә 2028 елдан буш яткан җир участокларын суд аша тартып ала башлаячаклар
Россия законнарында җир участокларыннан файдалануга кагылышлы катгый үзгәрешләр үз көченә керә. 2028 елдан башлап, хуҗалары тарафыннан кулланылмыйча, буш яткан җирләрне мәҗбүри рәвештә тартып алу механизмы эшли башлаячак. Бу чара җир ресурсларыннан нәтиҗәле файдалануны тәэмин итүгә юнәлтелгән.
Закондагы яңалыклар нигезендә, җир хуҗаларына участокларны берләштергәндә яки бүлгәндә аларның кулланылыш максатын үзләре сайларга рөхсәт ителә. Бу карар хәзерге җир куллану кагыйдәләренә нигезләнеп кабул ителергә тиеш. Исегезгә төшерәбез: җирләрне үзләштерүнең яңа таләпләре илдә 2025 елның 1 мартыннан ук гамәлгә кертелде.
Шул ук вакытта Татарстанда экологик вәзгыятьне яхшырту максатыннан масштаблы проект тормышка ашырыла. Республика хакимияте урман мәйданнарын арттыру буенча эш алып бара. Авыл хуҗалыгы оборотына кертү кыен булган 30 мең гектардан артык мәйдан (чокыр-чакырлар һәм ерганаклар) урман полосалары булдыру өчен тапшырылачак. Бу адым республиканың табигый байлыгын сакларга һәм туфракларны эрозиядән якларга ярдәм итәчәк.
Следите за самым важным и интересным в Telegram-каналеТатмедиа
Нет комментариев