Рамазан ае алдыннан мөселманнарга нәсыйхәтләр
Татарстан мөселманнары Диния нәзарәте рәисе, мөфти Камил хәзрәт Сәмигуллин изге Рамазан ае башлану уңаеннан Республика халкына мөрәҗәгать юллады. Ул уразаның рухи асылына һәм ниятнең никадәр мөһим булуына басым ясады.
Камил хәзрәт аңлатканча, ураза бары тик ашау-эчүдән тыелу гына түгел, ә зур рухи хезмәт. Әгәр мөэмин кеше бу гыйбадәтне чын ихласлык һәм дөрес ният белән үти икән, ул Аллаһның рәхмәте белән үз нәфесен (эгосын) җиңәргә һәм Раббыбызның ярлыкавына ирешергә мөмкинлек алачак. Нәкъ менә рухи максатларны алга кую уразаны тулы кыйммәтле итә, дип саный мөфти.
Исегезгә төшерәбез: Рамазан ае бүген кояш баеганнан соң үз көченә керә. Бу вакыттан башлап мөселманнар өчен гыйбадәт һәм рухи чистарыну чоры башлана.
Следите за самым важным и интересным в Telegram-каналеТатмедиа
Нет комментариев