Казанда «Жигули»не 950 мең сумга саталар

17 ел эчендә машина бары тик 18,5 мең километр гына узган. Автомобильнең бәясе 950 мең сум дип күрсәтелгән. Бу хакта сайтларның берсендә хәбәр ителә.

Тасвирлама буенча, югары бәя кечкенә пробег белән генә түгел, ә "матур" номер белән дә бәйле. Сатучы номерда өч җиделе торуын әйтә. ВАЗ-2107 - СССРда һәм Россиядә җитештерелгән кече класслы арткы приводлы седан.

Модель ВАЗ-2103 ("өчлек") машинасының варисы булып тора һәм ВАЗның классик линиясенең соңгы вәкилләреннән берсе санала. "Җиделе" җитештерү 1982 елның 11 мартыннан 2012 елның 17 апреленә кадәр дәвам иткән.