Кадрлар базарында медицина, маркетинг һәм җитештерү белгечләренә ихтыяҗ зур

Бүгенге көндә бизнес дөньясында маркетингка таләпләр нык үзгәрде. Хәзер компанияләргә гади генә сайт яки «Яндекс» һәм «Авито»дагы реклама гына җитми — аларга җитди стратегия, махсус подрячик төркемнәре һәм профессиональ маркетологлар командасы кирәк.

Шул ук вакытта эшкә яңа килүче яшь белгечләргә карата да таләпләр сизелерлек катгыйланды. Хәзер югары уку йортын тәмамлаган яшь белгечнең шәхси яки иҗтимагый проектларда тәҗрибәсе булуы һәм эшкә керешү белән мөстәкыйльлек күрсәтә алуы шарт.

Эш бирүчеләр кандидатлардан конкрет казанышлар (кейс) һәм расланган эш стажы көтә. Профессиональ осталыгы җитәрлек булмаган «гади» маркетологларны хәзерге катлаулы бурычларны тиешле дәрәҗәдә башкарып чыга алмас дип саныйлар.