Ишегалларында үзгәреш көтелә

Узган ел Питрау көне пандемия аркасында онлайн-форматта уздырылган иде. Быел аны бәйрәм итәргә җыеналар. Аның программасында артык үзгәрешләр булмаячак, ләкин эчтәлеге бераз үзгәрәчәк, дип белдерәләр чараны оештыручылар. Бу быелның Татарстанда Туган телләр һәм халыклар бердәмлеге елы игълан ителү белән бәйле. Питрауда башка еллардан аермалы буларак, төп керәшен ишегалдыннан тыш, бәйрәм уза торган Җөри авылының Тырлау аланында республикада яшәүче башка этносларның да үз “территорияләре”, йортлары булачак.