Бәдрәфтән үч алалар

Ләкин, чираттагы әшәкелекне күргәннән соң, мамадышлылар арасында шәһәребезнең төзеклегенә төкереп караучылар тиз генә бетмәс, ахры, дип уйларга мәҗбүрсең. Совет урамындагы бәдрәф вандалларның чираттагы корбаны. Аның ишегенең алар каршында “ни гаебе” булган инде? Аны каерып атканнар иде. Аннары кул юа торган урынга пластик шешәләрне тутырып чыгып киткәннәр. Ә бит бәдрәфтән чүплек савытларына кул сузымы гына, югыйсә. Дөрес, мондагы вәхшилек нәтиҗәләрен бетерделәр инде.