Бакчада Гырон Быдтон

Кече яшьтән үк районыбызда яшәүче башка милләт халыкларына хөрмәт тәрбияләү - бакчада күп еллар дәвамында системалы алып барыла торган эш. Милли уеннар, бәйрәмнәр аша бала туган төбәгендә кемнәр яшәвен, аларның мәдәниятен, гореф-гадәтләрен белеп, өйрәнеп үсә. Шул рәвешле дустанә мөнәсәбәт формалаша, толерантлык тәрбияләнә. Әлеге юнәлештә бакчада удмурт халкының милли бәйрәме Гыран Быдтон да оештырылды. Балалар милли уеннарда көч сынаштылар, җырлы-биюле уеннарда катнаштылар, уйнадылар, удмурт телендә шигырьләр, җырлар тыңладылар. Бәйрәмдә Идел буе халыкларының кунакчыллыгы күрсәтелде.