Атна ахырына Татарстанда каты суыклар — 30 градуска кадәр салкыннар көтелә
Агымдагы атнада Татарстан территориясендә һава торышы чагыштырмача тотрыклы һәм уртача салкын булса да, якын көннәрдә вәзгыять сизелерлек үзгәрәчәк. «Метео» фаразлау үзәге җитәкчесе Александр Шувалов «Татар-информ» агентлыгына хәбәр иткәнчә, республикага кабат салкыннар килә.
Синоптикның мәгълүматларына караганда, төбәк халкына каты суыкларга әзерләнергә кирәк. Атап әйткәндә, 30 гыйнварга каршы төндә термометр күрсәткечләре -30 градуска кадәр түбәнәергә мөмкин.
Метеоролог белдерүенчә, мондый салкын һава торышы республикада берничә көнгә сузылачак. Төгәлрәк әйткәндә, 30 гыйнвардан башлап 3 февральгә кадәр Татарстанда термометр шкаласының түбән нокталарында торучы каты суыклар хөкем сөрәчәк.
Следите за самым важным и интересным в Telegram-каналеТатмедиа
Нет комментариев