Муниципаль идарә органнарында чиратлар кимиячәк

2011 елның 1нче октябреннән барлык федераль хакимиятләр яңа эш тәртибенә күчтеләр- дәүләт хезмәтләре күрсәтү буенча ведомствоара электрон хезмәттәшлек. Дәүләт органнарына мөрәҗәгать итү хәзер гражданнар өчен җайлана төште. Чөнки канун буенча, чиновниклар кайбер төр белешмәләрне бөтенләй таләп итмәскә тиеш. Алар башка хезмәтләрнең мәгълүмат базаларында инде болай да бар. Ә быелның 1нче июленнән ведомствоара хезмәттәшлекне модернизацияләүнең икенче этабы башланыр дип көтелә. Бу юлысы электрон эш төренә муниципалитетлар күчәчәк.