Бәяләр чеметә

Июль башыннан төрле хезмәтләргә бәяләр күтәреләчәге турында газетабыз битләрендә инде бер мәртәбә генә язмадык. Әлеге артуларны бар халык дулкынланып, акча янчыгының шактый бушап калачагы турында борчылып көтте. Һәм менә ул җәй уртасы килеп тә җитте. Бу көннәрдә торак-коммуналь хезмәтләр өчен түләү кәгазьләре өр-яңа күрсәткечләр белән китерәләчәк. Хәзер күпләр азык-төлек базарында да бәяләрнең кинәт өскә сикерүеннән курка. Укучыларыбызны таныштыру максатыннан, без шәһәр базарында кайбер продукцияләрнең бәяләре белән кызыксындык. Арада сөендергәне дә, көендерүчесе дә очрый.