Back to Top
103.9 FM

Понедельник, 31 октября 2016 15:46

Мамадышта “Көзге каникул” профилактика чарасы башланды

Автор 
Оцените материал
(1 Голосовать)

Мамадышта “Көзге каникул” профилактика чарасы башланды һәм ул мәктәпләрдә көзге каникул төгәлләнгән көнгә – 6 ноябрьгә кадәр дәвам итәчәк.

Балалар катнашында юл-транспорт һәлакәтләрен булдырмау максатында ЮХИДИ, ПДН хезмәткәрләре һәм полициянең участок вәкилләре рейдлар үткәрәчәкләр. Нәни юл йөрү кагыйдәләрен бозучыларга “Тукта – синең гомер куркыныч астында” дигән карточкалар тутырылачак. Һәр кагыйдә бозу очрагы турында баланың уку урынына хәбәр ителәчәк. Район ЮХИДИ бүлекчәсе начальнигы вазифаларын башкаручы Рафаэль Мөбәрәкшин, әти-әниләрне бу чорда балаларны күздән ычкындырмаска, контрольне көчәйтергә чакыра.

“Көзге каникул” профилактика чарасы кысаларында бүген район ЮХИДИ идарәсенең бер экипажы “Ләйсән“ балалар бакчасы турысында кизү тордылар. Юл сагындагыларның ярдәмчеләре-2нче санлы лицейның яшь инспекторлары шоферларга тагын бер кат юл йөрү кагыйдәләрен искәрттеләр, балалары булса, аларның киемнәренә яктылык кайтаручы элементлар беркетүләрен сорадылар.

 

Прочитано 561 раз

Оставить комментарий

В Республике