Ялларда алма төшәр урын юк
Быел суда коену сезоны соңга калынды. Моның сәбәбен барыбыз да яхшы белә: май һәм июнь айлары яңгырлы булды, көннәр салкын торды. Ниһаять, озак көтеп алган су коену сезонына старт бирелде.
Җәй мизгелләрен су керү, су буенда кояшта кызыну һәм ямьле табигать кочагында ял итүдән башка күз алдына китерү мөмкин дә түгел. Хәзер Мамадыштагы Сахара эсселеген хәтерләткән кызу көннәрдә бигрәк тә. Шәһәрдәшләр дә сезон ачылуын зур түземсезлек белән көтеп алдылар, дисәк тә арттыру булмас. Күкләр аязып, көннәр кыздыра башлауга халык узган ел файдалануга тапшырылган заманча “Нократ” пляжына ябырылды. Ялларда анда алма төшәр урын да булмый. Хәер, эш көннәрендә дә ул буш тормый.
Следите за самым важным и интересным в Telegram-каналеТатмедиа
Нет комментариев