Мамадыш шахматчылары сынатмады
Баулыда Нәҗметдинов истәлегенә тиз шахмат буенча 29нчы ачык төбәкара турнир оештырылды.
Анда Татарстаннан тыш, Башкортостаннан һәм Оренбург өлкәсеннән 139 шахматчы катнашты. Мамадыштан әлеге турнирда Азалия Мөнипова, Рушан Ситдыйков, Алина Антонова, Әминә Мөбарәкшина, Кәрим Чурекеев, Марс Фәсхетдинов, Аслан Хәмидуллин һәм Мәдинә Мөбарәкшина катнаштылар. Нәтиҗәдә, Рушан, Аслан һәм Мәдинә үз яшь категорияләрендә икенче урыннарны яуладылар. Кәрим өченче булды. 12нче декабрьдә “Гран При Закамья” блицы һәм аның кысаларындагы турнирларның 16нчы сериясенә йомгаклар ясалды. “Пшечка” номинациясендә Аслан кубокка ия булды, Кәрим белән Мәдинә икенче урынны яуладылар.
Следите за самым важным и интересным в Telegram-каналеТатмедиа
Нет комментариев