Караңгылату нормадан артмасын
Автомобиль пыялаларын караңгылатуның үз таләпләре бар. Әгәр водительләр аннан читләшәләр икән, моның өчен административ җаваплылык каралган.
Күптән түгел генә районыбызның ЮХИДИ хезмәткәрләре чираттагы рейд вакытында бер автомобильне туктаталар. Аның пыялалары нормадан тыш карңгылатылган була. Моның өчен машина хуҗасына административ беркетмә тутырыла. Аңа 500 сум штраф түләргә туры киләчәк. Әгәр ул алдагы көннәрдә дә шундый кагыйдә бозу белән эләгә икән, аны 15 тәүлеккә административ арест көтә. Водительләр билгеләнгән нормативны бозып, пыялаларны караңгылатуның караңгы вакытта юл-транспорт һәлакәтләренә китереп чыгарырга мөмкин булуын исләреннән чыгармасыннар иде.
Следите за самым важным и интересным в Telegram-каналеТатмедиа
Нет комментариев