Икенче этапка уздылар

Үткән атнада яшь хоккейчыларыбыз “Олимп” Боз сараенда Казанның “Волна-2013”, Ижау шәһәренең “Заря-2013”, Кукмараның “Ягуар”, Мендлеевскның “Айсберг”, Алабуганың “Лесные пчёлы” командалары белән әлеге хокукка ия булу өчен көч сынаштылар. “Олимп-2012” (тренеры – Артур Габбасов) җанатарларның өметен аклады: барлык көндәшләрен дә җиңеп, команда үз төркемендә беренче урынны яулады. Моннан тыш шәһәребезнең төрле яшьтәге хоккейчылары Татарстан беренчелегендә чираттагы очрашуларын уздырдылар. “Олимп-2007” үз бозында Казанның “Ак бүре” хоккейчыларын кабул итте һәм 5:2 исәбе белән җиңелергә мәҗбүр булды. “Олимп-2009” командасы башкалабыз Казанда “Зилант”ка 9:2 исәбе белән җиңелеп кайтты. Ә “Олимп-2005” хоккейчылары үз бозларында беренчелек аутсайдеры – Арчаның “Арча” командасын кабул итте һәм 11:3 исәбе белән җиңүгә иреште.