Өлкәннәр көне белән сезне, мамадышлылар!!!

Килеп тора, үтеп тора,
Бүтәннәр көне.
Күңелләргә иң якыны-
Өлкәннәр көне.

Бар көчләрен эш өченгә,
Түккәннәр көне.
Хезмәттә танылу алган,
Өлкәннәр көне.

Илдән зурлау, кадер-хөрмәт
Көткәннәр көне.
Ихтирамга лаек затлар -
Өлкәннәр көне.

Тормыш юлын матур итеп
Үткәннәр көне.
Тантаналы,истәлекле
Өлкәннәр көне.

Гомерләренең йомгагын
Сүткәннәр көне.
Күңелләре һаман да яшь
Өлкәннәр көне.

Изге догалардан башлыйк
Иртәннән көнне
Матур узсын ил бәйрәме -
Өлкәннәр көне!

Фәнәвис Дәуләтбаев.